નામઅટક, જાતિ, જન્મતારીખ વગેરેમાં સુધારો કયારે અને કેવી રીતે કરી શકાય?

નામ, અટક, જાતિ, જન્મતારીખ વગેરેમાં સુધારો કયારે અને કેવી રીતે કરવો ? એ બાબતે કરવાની થતી કાર્યવાહી અંગે જિલ્લામાં એકસૂત્રતા જળવાય અને સાચા કેસોમાં જ સુધારો કરવા માટેની દરખાસ્ત થાય તે માટેની વિસ્તૃત વિગતો આપવાનો નમ્ર પ્રયાસ અહીં કર્યો છે.

• નામ:

(૧) વિદ્યાર્થીના વાલીનું અસલ એફિડેવિટ,

(૨) સદરહુ વિદ્યાર્થીનું નામ કેમ બદલવા માંગે છે ? તે બાબતની વાલીની અરજી.

(૩) વિદ્યાર્થીના જન્મના પ્રમાણપત્રની પ્રમાણિત નકલ / જન્મનો દાખલો.

(૪) નિયત નમૂનાનું અરજીપત્રક જેમાં આચાર્યશ્રીએ જરૂરી વિગતો ચકાસીને ભલામણ અંગેનો સ્પષ્ટ અભિપ્રાય સાથે જરૂરી સહી | સિક્કા કરી મોકલી આપવા,

(૫) કોઈપણ ફેરફાર ધોરણ ૧૦ ની પરીક્ષાના ફોર્મ ભરાઈ જતાં પહેલાં થાય તે જરૂરી છે. ત્યારબાદ શાળાના જી.આર.માં કોઈપણ ફેરફાર થઈ શકતો નથી.

*અટકઃ

(૧) વિદ્યાર્થીના વાલીનું અસલ એફિડેવિટ સામેલ કરવું.

(૨) નિયત નમૂનામાં અરજીપત્રક : જેમાં મુખ્ય શિક્ષકશ્રી એ સ્પષ્ટ ભલામણ સાથે મોકલી આપવી.

(૩) કટુંબના અન્ય સભ્યોની અટક આ પ્રમાણે છે કે કેમ ? તેની વિગત અટક બદલવા માટે કારણો સહિતની વાલીની અરજી સામેલ કરવી.

*જન્મતારીખઃ

(૧) નિયત નમૂનાના ફોર્મમાં જરૂરી વિગતો સાથે આચાર્યશ્રીની ભલામણ સાથેની અરજી મોકલી આપવી.

(ર) વાલીનું અસલ એફિડેવિટ સામેલ કરવું.

(3) જન્મતારીખના પ્રમાણિત દાખલા સાથે અસલ દાખલો મોકલી આપવો.